Esta lingua que
dominei
tenme dominada;
ensinoume
maldicións
na linguaxe do
dominador,
ensinoume a
escravitude
na linguaxe do
dominador,
e eu son unha
muller violada e espida
cantando as
palabras dunha nena perdida
pisando a punta das
ondas
tentando
recobrar...
o soño dunha virxe
vestida ao luar,
acadando xestos a
través das augas
cantando unha
canción do fogar.
Son a filla dun
home negro, aínda
varado ás beiras
dos mares saxóns.
Abana Busia (1953), poeta e editora
ghanesa, profesora de Estudos de Xénero na Univ. de Rutgers e
diplomática no Brasil.
Calibán é o nome dun personaxe de Shakespeare, un escravo primitivo e salvaxe,
reinterpretando posteriormente como símbolo do "home natural" de
Rousseau, das clases oprimidas polo capitalismo ou polo colonialismo. Caliban está vinculado á
visión europea dos nativos americanos e africanos.
Ningún comentario:
Publicar un comentario